ДДВ-то за електричната енергија од први јануари ќе биде 10% проценти, а не 5% како што беше намалено во мај годинава со одлука на Владата, рече министерот за финансии Фатмир Бесими во вечерашната „Топ тема“ на телевизија Телма.

Во првото полугодие повластената стапка ќе биде 10% за прометот на електричната енергија кон домаќинствата.

Даночната реформа, според Бесими, ќе разгледа неколку модели, но се задржува на две нивоа – одредени производи на кои во текот на годините им се намалило ДДВ-то на 5%, да се вратат на ДДВ како што биле претходно, а и во делот на персоналните даноци и придонесите кои во нив треба да се вметнат, да нема едно решение, туку да има избор во однос на плаќањето, бидејќи висината на хонорарите се различни.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.