Татко и син се загинатите во вчерашото пукање во тетовско Челопек. Повреден е и нивниот брат (чичко), а со рани од огнено оржује се здобил и 60-годишниот пукач, нивен роднина. Фамилијата во Челопек дошла од Германија и Швајцарија за празниците.

Жителите на Челопек зад камерата на „Сител“ сведочеа дека подолг период имало нетрпеливост меѓу братучедите. Осомничениот за двојното убиство, пак не бил единствениот од потесното семејство кој со оружје ги решавал проблемите. Пред околу 30 години и неговиот татко застрелал човек од Челопек.

Министерот за внатрешни работи Оливер Спасовски информираше дека според првичните сознанија, двојното убиство во тетовски Челопек е поради нерасчистени имотни односи во семејството. Тој изјави дека во моментот се работи на расчистување на настанот, а наскоро ќе имаат подетални информации.

Во моментот работат колегите во однос на расчистувањето на овој настан, станува збор за нерасчистени имотни односи во едно семејство.Тоа се првичните сознанија кои ни ги пратија колегите од терен. Очекуваме дека наскоро ќе се заокружи целиот процес и ќе имаме детални информации, изјави вчера Спасовски, за време на работна посета на ЕВР Гази Баба, во одговор на новинарско прашање.

Првични детали: Двајца убиени, двајца повредени меѓу кои и пукачот од Челопек



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.