Центарот за управување со кризи (ЦУК) преку проектот за ефикасно откривање и управување со шумски пожари, доби теренско возило опремено со ИКТ за ноќни операции.

Возилото е планирано да биде поврзано со дроновите и со Командниот центар во Струмица преку GPS.

Според ЦУК, развојот и имплементацијата на ИКТ системи за ефикасно рано откривање на шумски пожари со зголемена прецизност, намалување ниски стапки на лажни аларми и способност за 24/7 работа, ќе го покаже потенцијалот на ваквата иновативна технологија што ќе придонесе за рано предупредување на ризик од катастрофи од шумски пожари.

Преку реализирање на проектот за рано откривање пожари и нивно движење за превенција и справување со катастрофи „еФИДАР“, со финансиска помош од ИПА Програмата за прекугранична соработка помеѓу Грција – Македонија, 2014 -2020, денеска во Центарот за управување со кризи (ЦУК) беше реализиран прием на теренско возило опремено со информатички комуникациски технологии (ИКТ) за ноќни операции.

Врз основа на надлежностите и задачите, како и следење на состојбите со пожари, општата цел на проектот е ефикасно откривање и управување со шумски пожари во прекуграничната област преку соодветни алатки (ИКТ) со цел зголемување на подготвеноста и размена на практики меѓу двете земји, информира ЦУК.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.