Секторот за внатрешни работи во Скопје поднесе кривична пријава против С.Ч. (42) и Р.Г. (40) од Скопје, поради физички напад и закана со пиштол кон друго лице.

Како што информираат од МВР, на 12 март, по претходен телефонски разговор, на подрачјето на Гази Баба, С.Ч. се сретнал со М.С.(46) од Скопје, по што физички го нападнал и со закана со пиштол го принудил да влезат во неговото возило, по што отишле во продажен објект на подрачје на Гази Баба, каде што бил Р.Г. и уште две женски лица.

Тие одреден период го држеле во објектот, при што С.Ч. го удрил М.С. со пиштолот.

Од МВР соопштија дека пријавените истиот ден биле приведени во полициска станица, а од С.Ч. бил одземен пиштолот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.