ОЈО Скопје постапува по кривичната пријава за злоупотреба на службена должност при претресот извршен на 18 јули годинава во Управата за финансиска полиција од страна на ОЈО – ГОКК.

Како што информираат од ОЈО Скопје на денешниот брифинг со новинари, веќе се прибрани материјални докази и сослушан е подносителот на кривичната пријава, а во следните денови ќе се испитаат и пријавените лица.

Од ОЈО Скопје посочуваат дека станува збор за пријавени лица и сега за сега не се сослушани други, за што на крајот одлучува обвинителот кој постапува.

Подносител на пријавата е Управата за финансиска полиција, а оштетено лице е Арафат Муареми.

– Пријавено е дејствието на злоупотреба на службена должност во контекст на нешто што не било созреано за претрес и немало таква документација за претрес, а е направено. Како аргументација кон пријавата е посочен и извештајот од надзорот и тоа што се случувало таму, појаснуваат од ОЈО Скопје.

Управата за финансиска полиција на 8 август годинава, поднесе кривична пријава до Основното јавно обвинителство Скопје против обвинителките Вилма Русковска, Ивана Трајчева и Елизабета Јосифовска, за„злоупотреба на службена положба и овластување“ при претресот во Управата за финансиска полиција извршен на 18 јули годинава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.