Два случаја на семејно насилство се пријавени во полиција.

Во првиот случај, синоќа во 19.15 часот, бил лишен од слобода Д.Н.(31) од Ресен.

Како што се наведува во МВР-билтенот, тој во домот, по претходна расправија, физички ја нападнал неговата 35-годишна сопруга. Потоа со остар предмет упатил закани кон нејзиниот татко.

Во вториот случај, пак, вчера попладне во струшкото село Мислешево полициски службеници од Полициската станица Струга го лишиле од слобода И.Р.(24) од Струга.

Лицето е приведено поради сторено кривично дело загрозување на сигурноста во врска со семејно насилство.

Од МВР информираат дека по целосно документирање на случаите ќе следуваат соодветни поднесоци.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.