Полициски службеници од Надворешната канцеларија за криминалистички работи Кавадарци вчера ги лишиле од слобода С.М.(37) од Кавадарци и А.А.(37) од Неготино, соопшти МВР.

При претрес во домот на С.М., извршен со судска наредба, биле пронајдени и одземени шест лап топ компјутери, делови за компјутер и друга компјутерска опрема за кои постои сомнение дека потекнуваат од кривично дело „тешка кражба“ сторено на 28.08.2023 во Здружени на граѓани на ул.„Браќа Хаџи Тефови“ во Кавадарци.

Стаменов: Обиени канцелариите на „Донирај компјутер“, срамота е да се краде од иницијатива како нашава, срамота!

Додека, кај А.А. бил пронајден еден лап топ компјутер за кој, исто така, постои сомнение дека потекнува од истото кривично дело и дека го купил од С.М..

Пронајденото ќе биде вратено на сопственикот, а по целосно документирање на случајот против двете лица ќе биде поднесена соодветна пријава.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.