Две лица повредени во престрелка во Синѓелиќ

Две лица се повредени во престрелка во скопската населба Сингелиќ.

Како што објави Република, на улицата Алија Авдовиќ во близина на црквата имало пукање и повредено лице од огнено оружје.

Од полицијата информираа дека на пукањето претходела сообраќајна незгода помеѓу патничко возило управувано од пријавителот Б.Ј. и патничко возило управувано од Б.К.(20) од Скопје.

„Настанала вербална расправија и физички напад, по што Б.Ј.(34), кој според пријавеното бил сопственик на возилото „сеат”, извадил пиштол кој испукал при обид да му биде одземен, при што со повреда во ногата се здобил Б.Ј., брат на пријавителот, кој заедно со С.Ј., роднина на пријавителот, кој се здобил со повреда при физичкиот напад, биле пренесени во Ургентен центар за укажување на медицинска помош“, соопшти МВР.

Известен е Јавен обвинител и се работи на расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.