Неколку полициски комбиња и полициски службеници кои утрово забрзано се упатија кон Народна банка предизвикаа паника кај скопјани, кои во моментот се упатуваа кон работните места на една од најфрекфентните крстосници во градот.

Но, наместо обид за грабеж или нешто посериозно, како што веднаш се раширија шпекулации, станувало збор само за лажна тревога од алармот кој сам се вклучил.

Утрово во СВР Скопје била добиена пријава дека е вклучен алармот во Народна банка. Веднаш потоа екипи на СВР Скопје излегле на местото и по извршени проверки било утврдено дека нема настан, односно дека алармот сам се вклучил, велат од СВР Скопје за „Репубилка“.

По лажната тревога улицата беше расчистена.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.