Во областа Задар од неделата навечер до утринава наврна големо количество дожд, дури 164 литри на метар квадратен, поплавени се речиси сите делови на градот.

„Невремето пропратено со силни грмежи започна во неделата околу 20 часот и траеше до рано утринава. Во Задар врне дожд како во половина Хрватска, а вчера по 14 часот е забележан најсилниот јужен налет – 25,5 метри во секунда, што одговара на брзина од околу 98 километри на час“, изјави раководител на локалната метеоролошка станица Анѓелко Видовиќ.

Поплавени се речиси сите делови на Задар, најмногу западниот дел на градот, а пожарникарите имале 21 интервенција во текот на ноќта и 12 наутро.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.