Претседателот на Србија Александар Вучиќ во Сомбор изјави дека неговата цел во надворешната политика е „да ја провлече Србија низ иглени уши“ за да не има последици „во овие луди времиња“ кога е невозможно рационално со никого да се разговара во светот.

Вучиќ, на церемонијата по повод Денот на сеќавање на загинатите во бомбардирањето на НАТО на СР Југославија во 1999 година, рече дека треба да се сочува Србија и „секое наше дете без разлика каде живее“. Тој потенцираше дека нема да ја предадат државата на тацна, ниту ќе се најде „оправдување за сето злосторство што го направија“, пренесува Бета.

Ни претстои тежок период. Наше е да се бориме обединето за нашата земја. Да, сакаме мир, нема да имаме никакви конфликти, ниту со НАТО, ниту со никого. Но, ќе си ја зачуваме државата, и кога ги кажуваме црвените линии, не си играјте со тоа и не притискајте понатаму, рече Вучиќ



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.