Српскиот претседател Александар Вучиќ изјави дека власта постојано се соочува со лицемерието на „лажни русофили и лажни левичари“.

Тој изјави дека Милош Јовановиќ од Нови ДСС и Двери му држеле „лажни патриотски говори“ за Косово, бидејќи некои од нив биле советници на поранешниот министер Слободан Самарџиќ.

Само не знам што им направи Тамара (Вучиќ), таа само си ја вршеше работата, рече тој во врска со учеството на неговата сопруга на Самитот на првите дами, на кој зборуваше и претседателот на Украина, Володимир Зеленски.

Вучиќ додаде дека нема да го закачи знамето на ЛГБТ на зградата на Претседателството на Србија и дека не знае како Владата на Србија ќе одговори на барањето на организаторите на утрешната Парада на гордоста.

Пристигна писмо дека знамето на ЛГБТ мора да биде закачено на зградата на Претседателството, рече Вучиќ, но тој нема да го стори тоа.

Во писмото се вели, под итно треба да ни одговорите дали знамето го закачивте ваму-таму. Нема да го закачам, па што, рече Вучиќ на прес-конференцијата.

И додаде:

За претседател на Република Србија сум избран за да ги застапувам интересите на граѓаните и тоа го правам на начин на кој мислам дека е најдобар. Па, можам да сторам нешто и не сакам да ви го закачам знамето на ЛГБТ, рече Вучиќ.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.