Претседателот на Србија, Александар Вучиќ, во болница го посети Драгиша Гаљак, кој беше ранет во немирите на Косово и Метохија.

„Драгиша Гаљак, Србинот кој беше тешко ранет од полицијата на Курти, успешно се опоравува. Му посакав добро здравје и она за што Драгиша се бореше цел живот, слобода!“, напиша Вучиќ на својот Инстаграм профил.

Гаљак поради сериозна рана на карлицата е префрлен на лекување во Белград. Неговата состојба моментно е стабилна, но се уште е сериозна, пишуваат српските медиуми.

Тој бил застрелан од зад грб од автоматско оружје во карлицата, стомакот и раката.

– Припадник на РОСУ клекнува и пука со калашников во правец на Србите кои се повлекуваат, удирајќи го Драгиша Гаљак одзади, во карлицата, стомакот и раката. Два куршуми го погодиле. Во тој момент Србите одговорија со камења и на сите други начини. На неколку места беа фотографирани снајперисти како нишанеа кон сегашните Срби, донесени од албанските специјалци. 52 Срби се повредени и побарале помош во КБЦ Косовска Митровица. Повеќе беа повредени. Тројца од нив се тешко повредени, меѓу кои и 50-годишниот Драгиша Гаљак, кој беше ранет со два куршуми од албанските специјалци – изјави Вучиќ во понеделникот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.