Убиството во Грција е поврзано со убиството „Шиша бар“ во скопскта Стара чаршија

Двајца македонски државјани се застрелани, а еден им подлегнал на повредите рано утрово во туристичко место во Ханиоти, Халкидики.

Убиството според пишувањата на грчките медиуми се случило во 3 часот и 30 минути по полноќ.

Според очевидци на настанот, две непознати лица со качулки на мотор се приближиле до изнајмената соба во која престојувале сега починатиот и повредениот и пукале во нив.

По нападот двете лица биле пренесени во болница каде била констатирана смртта на еден од застреланите додека другото лице е хоспитализирано.

Според првичните информации станува збор за лицата Б.О. (39) кој е убиен и С.С (45) годишна возраст.

Грчките медиуми посочуваат дека се работи за нарачано убиство посочувајќи го убиството од пред неколку месеци во Шиша бар.

Убиството во Шиша Бар се случи на 6 март, а напаѓачите влегле во Шиша бар во Старата скопска чаршија и биле облечени во црна облека налик на униформа по што повикале дека станува збор за полициска рација.

Кога ги нашле „таргетите” почнале да пукаат во нив и избегале. На лице место беа убиени Јетон Кривањева викан Жила и Енес Исени.

По нападот, групата убијци избегала со Ауди А6 кое е најдено запалено во Шуто Оризари. Регистрациите на запалениот автомобил биле украдени од друго возило.

Повреденото лице е хоспитализиран во болницата Полигирос.

Локалната полициска управа спроведува прелиминарна истрага.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.