Единица на косовската гранична полиција вчера пресретнала три лица кои со трактор се обидувале нелегално да ја преминат границата од Косово кон Македонија, јави дописникот на МИА од Приштина.

Во дневниот извештај на полицијата се вели дека, во обид да бидат спречени во намертата, еден од осомничените се обидел да ги нападне полицајците.

Едно од лицата е уапсено, додека другите двајца избегале.

– Пријавено е дека полициската единица додека патролирала на граничната линија наишла на трактор со тројца осомничени кои се обидувале да ја преминат границата од Косово кон Македонија. Еден од осомничените се обидел да ги нападне полицајците. Во врска со случајот, уапсен е осомничен маж, државјанин на Македонија, додека другите двајца избегале од местото на настанот. Од пријавениот е одземен остар предмет (нож) кој бил употребен во случајот. Со решение на обвинителството, осомничениот по извршениот разговор е приведен, се вели во извештајот на полицијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.