Британецот Џорџ Котрел , кого лидерот на Движењето за промени Небојша Медојевиќ го означи како еден од финансиерите на движењето „Европа сега“, а министерот за финансии Александар Дамјановиќ изјави дека со него е поврзана илегална крипто машина во Тиват, ја напуштил Црна Гора ден по парламентарните избори веројатно под друго име, дознава порталот „Дан“.

Котрел полетал од Црна Гора со приватен авион од аеродромот во Тиват, а останува да се испита како успеал да ја напушти нашата земја под друго име.

Инаку, Котрел беше политички активен во Британија, особено во времето на Брегзит.

Тој потекнува од аристократско лондонско семејство и израснал и се школувал на приватен остров, а кога отишол на факултет, бил исфрлен поради нелегално коцкање.Во јули 2016 година, тој беше уапсен во Чикаго и обвинет за перење пари, измама, уцена и изнуда.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.