Во производствениот погон на воената фабрика „Крушик“ во Ваљево утринава околу 9 часот експлодирала мина, при што се повредени осум лица, јави дописникот на МИА од Белград.

Според првичните информации, инцидентот се случил во работилницата „Фосфор 333“.

Како што соопштија медиумите, во просторијата каде што се случила експлозијата имало дваесетина луѓе.

Во Ургентниот центар се пријавиле осум работници, а според дежурното лице во МВР -Ваљево, повредите биле полесни.

Од ургентниот центар на Ваљево за „Данас“ изјавија дека едно лице е примено со тешки повреди.

Никој не е во животна опасност, но се уште не се знае степенот на повредите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.