Претседателот на црногорската општина Жабљак, Радош Жугиќ, го прогласи 25 јануари за Ден на жалост на територијата на оваа општина, поради трагичната смрт на Зорица Мандиќ (33), која загина во понеделникот кога ја удрил багер за чистење снег.

Денот на жалост ќе биде одбележан со спуштање на државното знаме на половина копје, на зградата на општината, јавните служби и институции основани од општината, објекти на месните заедници и други органи и институции на територијата на општина Жабљак.

За време на Денот на жалост забрането е емитување музика и други забавни програми на јавни места, се вели во одлуката за прогласување Ден на жалост.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.