Сопственикот на Ред Бул, Дитрих Матешиc, почина на 78-годишна возраст.

Веќе некое време се шпекулираше дека Матешиц боледува од тешка болест и дека неговото здравје не е најдобро.

Матершиц е основач на Ред Бул, со кој влезе во светот на Формула 1 во последната деценија од минатиот век како спонзор на Заубер. Како основач на компанија за енергетски пијалоци во 1984 година, тој беше главната движечка сила зад влегувањето во светот на мотоспортот.

Во 2004 година, тој го купи тимот на Јагуар и го преименува во Ред Бул Рејсинг, за да стане светски шампион шест години подоцна со Себастијан Фетел како возач, а доминацијата на австрискиот тим продолжува до ден-денес.

Со Фетел четири пати ја освојуваше шампионската титула во конкуренција на возачи, но и во конкуренција на конструктори.

Покрај присуството во Ф1, тој беше сопственик на фудбалските клубови Салцбург, Њујорк Ред Булс и Лајпциг, како и на хокеарскиот тим РБ Минхен.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.