Најдобриот српски тенисер Новак Ѓоковиќ денеска од 14 часот и 30 минути на Централниот терен ќе го игра полуфиналниот меч на Вимблдон, а противник му е Италијанецот Јаник Синер.

Неприкосновениот српски ас денеска има одлична можност да испише нови страници во историјата на белиот спорт.

Со триумфот над Андреј Рублов стигна до своето 46. Грен слем полуфинале во кариерата и со тоа го израмни рекордот на Роџер Федерер кој беше на врвот на вечната листа, а овој петок има можност да собори уште еден нереален рекорд. .

Имено, доколку денеска го победи Синера, Новак ќе стигне до 35. Грен слем финале и со тоа ќе стане апсолутен рекордер во машка и женска категорија.

Таа со 34 финалиња моментално го дели рекордот со легендарниот Американец Крис Еверт и има одлична можност да ја надмине.

Кога станува збор за машка конкуренција, тој веќе е неприкосновен на вечната листа. Зад него е Швајцарецот Роџер Федерер кој има 31 Грен слем финале, а на третото место е Рафаел Надал со 30 финалиња



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.