Новак Ѓоковиќ требаше да влезе во Австралија или поточно во Мелбурн и да ги почне подготовките за одбрана на првиот календарски грен слем во оваа календарска година, но најдобриот светски рекет се соочи со проблеми и заглави на аеродромот поради проблеми со визата.

Со ова само продолжи хаосот околу Србинот кој веќе подолго време трае, долго висеше во воздух прашањето дали ќе настапи во Мелбурн затоа што беше потребна потврда за вакцининација за да на крајот добие медицинско ослободување од ова правило по што се упати кон местото кое за него е супер успешно.

Меѓутоа се јави проблем и сега со нетрпение целата јавност оцекув да се расчисти, разјасни оваа ситуација, а во меѓувреме има реакции, а една од нив дојде од американскиот тенисер, Тенис Сандгрен кој му даде поддршка на Ѓоковиќ.

-Се да биде кристално јасно. Две посебни медицински одбори го одобрија неговото изземање, сега политичарите тоа го спречуваат. Австралија не заслужува да биде домаќин на грен слем, -порача Сандгрен кој во моментов е на 96. место на АТП листата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.