Трагедија се случи на Светското првенство во кошарка. На патот кон дома, по елиминацијата во групната фаза, починал физиотерапевтот на репрезентацијата на Доминиканска Република, Бладимир Регалaдо. Причините за смртта на Регаладо не се познати.

Неговата смрт ја потврдија колегите од стручниот штаб и од организаторот на Мундијалот, а ФИБА веднаш изрази сочувство.

Целиот тим на ФИБА испраќа љубов и сочувство кон тимот на Доминиканската Република, како и кон семејството на Бладимир Регаладо, кој трагично почина на заминување од Светското првенство. Бладимир ќе ни недостига на сите, почивај во мир“, стои во објавата на ФИБА.

Доминиканската Република беше едно од пријатните изненадувања на Светското првенство, но не успеа да се пласира во четврт-финалето.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.