Напаѓачот на Милан и на француската репрезентација Оливие Жиру не исклучи дека Евро 2024 ќе биде неговиот последен меѓународен турнир.

Ова може да биде мојот последен меѓународен турнир. Сè уште ништо не е решено. Како што кажав, поблиску сум до крајот отколку до почетокот. Треба да го искористиме максимумот од секој момент, изјави Жиру за „Telefoot“.

Триесет и седумгодишниот Жиру има 131 настап за Франција и постигна 57 гола. Тој е најдобар стрелец во историјата на националниот тим.

Француската репрезентација на ЕП 2024 ќе игра во групата Д со Холандија, Полска и Австрија.

Претходно беше објавено дека Жиру по завршувањето на сезоната планира да се пресели во тим од американската МЛС.

Според инсајдерот Фабрицио Романо, тој се договорил со Лос Анџелес.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.