Српскиот фудбалер Драгиша Гудељ реши да се пензионира на 26 години, а веста ја објави на својот официјален профил на социјалната мрежа Инстаграм. Драгиша Гудељ е брат на српскиот репрезентативец и долгогодишен играч на Севилја, Немања и сопруг на Анастасија Ражнатовиќ.

Професионална кариера ја заврши по препорака на лекар, откако минатата година два пати колабираше на теренот. Гудељ минатата година двапати имаше срцев удар. Првите проблеми се случија во март. Тогаш бил клинички мртов, а потоа лекарите успеале да го спасат. Нешто слично му се случи и во декември.

Гудељ на Инстаграм, напиша дека ја напушта својата најголема љубов, фудбалот. Тој им се заблагодари на сите за поддршката.

Драгиша Гудељ кариерата ја започна во младинските категории на НАЦ Бреда бидејќи е роден во Холандија, каде што израснал, но има српско државјанство. После тоа играше за Б тимот на Ајакс, швајцарскиот Волен, португалскиот Гимараеш и сега за Кордоба.

Играше на позицијата стопер, а можеше да ја покрие и позицијата лев бек.

„Трансфермаркт“ неговата вредност ја проценува на 300 илјади евра.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.