Со натпреварот Англија – Австрија во 21 часот ќе биде отворено Европското првенство во фудбал за жени.

На шампионатот што ќе се игра во Англија и ќе трае до 31 јули, ќе настапат 16 репрезентации поделени во четири групи.

А-група: Англија (домаќин), Австрија, Норвешка и Северна Ирска.

Б-група: Германија, Данска, Шпанија и Финска.

Ц-група: Холандија, Шведска, Португалија и Швајцарија.

Д-група: Франција, Италија, Белгија и Исланд.

Двете првопласирани од секоја група ќе продолжат во четвртфиналната фаза.

Натпреварите ќе се играат во: Брајтон и Хов, Лондон, Манчестер, Милтон Кејнс, Ротерам, Шефилд, Саутемптон, Трафорд и Виган и Ли.

Ова ќе биде второ ЕУРО за жени кое го организира Англија. Првиот пат беше во 2005 година, кога триумфираше Германија.

Бранител на трофејот од последното финале, во 2017 година, е Холандија која беше домаќин на претходниот шампионат.

На претходните 12 европски првенства, убедливо најмногу титули има Германија – осум, Норвешка има две, а Шведска и Холандија по една.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.