Фудбалската репрезентација на Хрватска го посети денеска Ватикан пред претстојното Европско првенство, кое стартува идната недела.

„По пристигнувањето во Рим, хрватските фудбалери присуствуваа на аудиенција кај папата“, објави попладнево прес-службата на Хрватскиот фудбалски сојуз илустрирајќи ја посетата со фотографии на социјалните мрежи.

Хрватска во понеделникот ја совлада Македонија со 3-0 во Риека во претпоследниот натпревар на избраниците на селекторот Златко Далиќ пред почетокот на Европско првенство, кое ќе се одржи во Германија од 14 јуни до 14 јули.

Избраниците на Далиќ се во група со Шпанија, Италија и Албанија



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.