Тренерот на Интер Мајами, Херардо Мартино, изјави дека напаѓачот на тимот Лионел Меси не учествувал на натпреварот од регуларниот дел од МЛС лигата со Чикаго Фајр (1:4) поради здравствени состојби.

– Ги разбирам очекувањата на навивачите, но не можеме да го принудиме Меси да игра ако не е доволно фит. Ми изгледа многу чудно тренерот да им објасни на противничките навивачи зошто отсуствува најдобриот играч на светот. Тоа е затоа што сме лоцирани во САД. На кое било друго место, противничките навивачи би биле мирни дека го нема, изјави Мартино за „Goal“.

Меси го пропушти четвртиот натпревар во низа на Интер Мајами, а трет натпревар по ред отсуствуваше и Жорди Алба.

Интер Мајами заостанува пет бода зад местото кое гарантира учество во плејофот во МЛС. На тимот му преостануваат уште три натпревари до крајот на регуларниот дел од сезоната



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.