Каталонскиот гигант Барселона има нов генерален спонзор поради кој за прв пат во клупската историја ќе го менува името на стадионот „Камп Ноу“. Во наредните четири години стадионот на Барселона ќе се преименува во „Спотифај Камп Ноу“.

Иако официјално не се соопштени деталите од договорот, шпанските медиуми шпекулираат дека музичката платформа „Спотифај“ на Барселона ќе му плаќа 70 милиони евра годишно, односно вкупната сума што каталонскиот тим ќе ја добие е 280 милиони евра. Барселона и „Спотифај“ официјално соработката ќе ја започнат на 1 јули годинава.

По последните пет години, генерален спонзор беше јапанската компанија „Ракутен“ која на Барселона и плаќаше околу 50 милиони евра.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.