Како и што беше најавено, одличната песна „Празен календар“ на битолчанецот со ангелски глас – Менде Куновски доби продолжение… Овојпат таа носи наслов „Мастило“. Некој можеби ќе каже – модерна серенада и искрено нема да згреши, но едно е повеќе од сигурно, а тоа е дека ова совршено музичко дело е буквално за сечиј вкус…

А како и да не биде совршено, кога Менде повторно избра да соработува со веќе докажаните и квалитетни автори.

Текстот го напиша човекот кој создаде стотици хитови во последниве дваесетина години, познатиот Борче Нечовски, потоа музиката е дело на одличниот Суад Хусеин – Цуле, а пак аранжманот го изработи Ташко Грујовски. Особено сме сигурни дека ќе се памети фразата од текстот, која вели: „Не сум сретнал жена како тебе, што ме љуби, а ништо не бара“…

Многу сум пребирлив кога треба да изберам песна за себе и поради тоа не вадам песни на секои три месеци. Оваа екипа со која работам ме познава доволно добро и знае што може да ме „погоди“. Јас сум презадоволен, реакциите на најблиските пријатели, соработници се позитивни, а такви ќе бидат се надевам и на публиката кога ќе ја слушне оваа песна“ – вели Менде.

За оваа нова Менде сними и видеоспот, кој го изработи „Арт продукција, а во кој се појавува и убавата Анита Јовчевска.

Инаку Менде тука незапира, тој наскоро ќе ја изненади публиката и со нова тамбурашка песна и тоа со негова колешка од Србија. До тогаш познатиот битолчанец може да го видите и слушнете во живо на многубројните негови настапи ширум нашата земја, а таа привилегија ја имаат и нашинците во Канада и Шведска, каде тој честопати настапува.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.