Вела Лука го поздрави концертот „Траг у бескрају“, што се одржа во чест на Оливер Драгојевиќ, кој почина пред шест години.

Како што објави Индекс, местото е преполно, обожавателите на Оливер Драгојевиќ го преплавија секој дел од Вела Лука, а заливот е полн со чамци подготвени да уживаат во концертот. Веднаш на почетокот на концертот беа запалени првите бенгалски огнови.

Меѓу насобраните има и бројни познати лица од хрватскиот јавен живот, а семејството на Оливер седи во првиот ред пред бината.

Вела Лука беше исполнета со странски туристи кои велат дека дошле организирано, дека купиле билети шест месеци однапред и дека ја посетиле семејната куќа на Оливер Драгојевиќ каде со задоволство ги примиле неговата сопруга Весна и децата и ги пееле песните на Оливер пред куќата. Многумина го посетиле и неговиот гроб.

На концертот настапија Петар Грашо, Јелена Розга, Зорица Конџа, клапа Далматино и многу други.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.