На Украина ѝ успеа да го тргне Милош Биковиќ од проектот на ХБО. Српскиот актер требаше да биде дел од третата сезона на хит-серијата „Белиот лотос“, но мешањето на политиката и украинското МНР очигледно имаат силно влијание во уредничката политика.

Биковиќ: Родум сме од Берово, дедо ми се презивал Биковски

Поради неговиот професионален ангажман во Русија, Биковиќ беше мета на критики од Украина, која го обвини а поддршка на геноцид и кршење на меѓународното право. Тамошното министерство објави монтирано видео во кое се прикажани делови од неговите филмски улоги и реплики од сценариото со неговите изјави за Русија и потсетување на наградите што ги добил во Москва и Белград.

Биковиќ по веста се огласи на социјалните мрежи.

Пораснав во земја уништена од војна. Кога имав 11 години, поминував денови и ноќи во засолниште, додека мојата земја и мојот роден град беа бомбардирани. Таква пустош не би посакал никому. Секој ден има се повеќе конфликти низ целиот свет. Секој од нив е различен. И секој еден од нив е страшен. Посакувам сите да престанат и да преовлада принципот на љубовта. Денеска против мене се води таргетирана кампања која преку надворешно влијание создава сериозен преседан, фрлајќи сенка врз суштината на уметничката слобода. Резултатот од таквиот наратив е триумфот на глупостите и поразот на уметноста. Чест ми е што бев избран да бидам дел од „Белиот лотос“, ТВ-серија која многу ја почитувам, со колеги кон кои имам најголема почит. Но, моето учество во неа не е возможно од причини надвор од доменот на културата, и јас нема да се поклонувам на наратив кој го загрозува мојот интегритет. Сакам да им се заблагодарам на сите што беа со мене, а на колегите им посакувам голем успех во новата сезона. И покрај се, сепак верувам дека уметноста лечи и може да го обедини човештвото. Затоа, моите верувања и мојата посветеност на уметноста ќе останат непроменети, изјави Милош Биковиќ.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.