Конор Мек Грегор бешее уапсен, а возилото му е запленето по опасното возење во Даблин, според извештаите на ирската полиција …

Според „Ириш Индипендент“, суперѕвездата на УФЦ бил запрен од полициска патрола во Даблин, зад воланот на неговиот модел „Бентли Континентал“, вреден 168.000 евра, поради сообраќајни прекршоци што ги направил. Неговиот луксузен автомобил бил одземен на лице место при неговата последна средба со полицијата и влечен во полициска станица.

Меѓутоа, според локалните медиуми, автомобилот на Мек Грегор му бил вратен набргу потоа, кога пристигнал во станицата „Лукан гард“, каде што добил официјално обвинение и бил пуштен со кауција. Според полицискиот извештај, Мек Грегор е обвинет за опасно возење и следниот месец ќе се појави пред Окружниот суд во Бланхардстаун.

Портпаролот го потврди апсењето и одземањето на возилото на познатиот спортист: „Гард уапси маж на возраст од триесет години за опасно возење во округот Палмерстаун“.

Мек Грегор целосно се опорави од тешката фрактура на ногата на мечот со Дастин Поаре минатата година, додека неговото враќање во УФЦ е се поблиску. 30-годишниот Ирец е во врвна форма и се надева на супер борба со шампионот на УФЦ во полусредна категорија Камара Усман.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.