Железото е клучна компонента на хемоглобинот, протеинот во црвените крвни зрнца кој носи кислород од белите дробови до секоја клетка во телото. Без доволно железо, луѓето може да доживеат замор, слабост и тешкотии да се концентрираат.

“Real Simple” наведе пет здрави намирници кои се најбогати со железо:

1. Леќа
Леќата нуди приближно 36% од дневната вредност на железо, што ја прави ефикасен и вкусен начин да се обезбеди висок внес на железо.

2. Темно чоколадо
Верувале или не, темното чоколадо е многу повеќе од обична бонбона.Темното чоколадо (70% какао или повеќе) е хранлива закуска која обезбедува антиоксиданси и 19% од дневната препорачана количина на железо.

3. Киноа
Покрај тоа што е богата со протеини, киноата содржи и многу железо.Една шолја варена киноа содржи 15% од дневната препорачана количина на железо.

4. Семки од тиква
Овие семиња прават хранлива закуска и лесно се додаваат во овесна каша, јогурт или салати.Само 30 грама печени семки од тиква обезбедуваат 13% од дневните потреби за железо.

5. Зелен лиснат зеленчук
Зеленчукот секогаш игра важна улога во одржувањето на здрави нивоа на железо, особено лиснатиот зелен зеленчук.Сорти како што се блитвата, кељот и спанаќот се добри извори на железо кои обезбедуваат од 6 до 22% од дневната вредност на железо, во зависност од видот на зеленчукот.

Сепак, суровиот лиснат зеленчук може да содржи оксалати, кои ја намалуваат веројатноста за апсорпција на железо.Експертите препорачуваат тоа да се реши со готвење зеленчук и комбинирање со храна богата со витамин Ц.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.