Министерството за здравство од денеска ја почнува националната кампања под мотото „Октомвриски розов караван – Превенцијата е најдобра заштита“.

Кампањата се спроведува со поддршка од СЗО, УНФПА, град Скопје, Здружение за помош и поддршка на пациенти со гинеколошки заболувања „Фемина М“, како и Национална опера и балет, Факултет за музичка уметност и општествено одговорните компании „Скопје Сити Мол“ и Синеплекс.

Главната активност на кампањата е одржувањето јавни трибини водени од панелисти, стручни лица, доктори во јавните здравствени установи низ целата земја, со цел подигнување на свесноста за значењето на превенцијата и раната дијагностика на ракот на дојка.

Во рамки на кампањата, ќе се организираат и едукативни сесии, проследени со едукативен промотивен материјал и консултации со стручни лица, како и on–site пријавувања на веб страната https://skrining.zdravstvo.gov.mk/home со што на жените ќе им се обезбедат информации и поддршка за редовни превентивни прегледи.

Во продолжение распоред за трибините, кои ќе ги водат доктори – специјалисти во оваа област, кои се членови на националната комисија за скрининг на рак на дојка.

На 14 октомври, во Клиничка болница Тетово, во 13:30 часот, д-р Арџенд Имери,

На 17 октомври, во во КБ Штип – 13:30, д-р Јасминка Чабуковска

На 18 октомври, во ОБ Кавадарци – 13:30 часот, д-р Светлана Темелковска

На 21 октомври, во ОБ Струга – 13:30 часот, д-р Маја Јакимовска-Димитровска
На 25 октомври, во ОБ Куманово – 13:30 часот, д-р Маја Јакимовска
На 28 октомври, во КБ Битола – 13:30 часот, д-р Тања Петровска
На 29 октомври, – 13 и 30 часот просторија ЈЗУ Општа болница Велес, д-р Тања Петровска

Ракот на дојка е една од најчестите форми на рак кај жените, но со рано откривање и навремено лекување, можностите за успешен третман значително се зголемуваат. Ги повикуваме жените да го заштитат своето здравје и заеднички да го одбележиме „Розов октомври“, велат од МЗ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.