Делницата Велес – Градско поради асфалтирање ќе биде затворена за сообраќај од денеска до понеделник, освен во недела, во периодот од 8 до 18 часот, соопшти Автомотосојузот на Македонија.

АМСМ потсетува и дека од 11 септември е воспоставен привремен режим на сообраќај во тунелот на патниот правец Блаце – Скопје поради санација на тунелот. Поставена е светлосна сигнализација со наизменично пропуштање на возилата.

Сообраќајот на државните патишта утрово се одвива непречено, по суви коловози. Интензитетот на сообраќај на патните правци надвор од градските средини е умерен.

-На граничните премини, од македонска страна, нема подолги задржувања за влез и излез од државата, информира АМСМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.