На ден Понеделник, 19 август 2024 година со време на поаѓање во 4:45 часот од Соборен Храм Свети Климент Охридски во Скопје, се организира поклоничко патување во манастирот „Свето Преображение“ Зрзе.

Зрзе е православен манастир од 9 век, кој се наоѓа над селото Зрзе, во Горна Пелагонија, на речиси 1000 метри надморска височина. Од сите страни е опколен со дабова шума, со отворен поглед кон Пелагониската рамнина. Во средината на 14 век, монахот Герман подигнува општежитие со црква која ја посветува на празникот Свето Преображение Христово. Од 1998 година, со вжителувањето на монашката заедница, манастирот Зрзе се возобновува во општежителен машки манастир. На почетокот на 21 век, по третпат во својата историја, зрзескиот манастир станува епископско седиште на епископот Климент Хераклејски, секретар на САС на МПЦ-ОА. Многубројните остатоци од античкиот период-столбови, остатоци од базилика и други показатели зборуваат за богатата културна традиција на овој простор.

 

Учество на големиот празник Преображението на Господ Исус Христос на Тавор чија слава празнува манастирот со Боженствена Литурија со почеток во 8-30 часот. На овој ден се дели жито и грозје а потоа следи манастирски ручек. Благословено поклоничко патување. Во периодот помеѓу XIV и XV век биле создадени двете најпознати икони од манастирот. Иконата на зрзескиот Христос Спасител и Жизнодавец 1394г. дејноста на зографите Митрополит Јован и чудотворната икона на Богородица Пелагонитиса 1422 г.дејност на јеромонах Макариј. Карактеристично за овие икони е тоа што нивната положба е обратна од положбата на иконите на Исус и Богородица во другите христијански цркви и манастири. Во манастирот се наоѓа големо старо дрво, кое прави огромна сенка на масичките и столиците поставени така што посетителите можат да се одморат и да уживаат во прекрасниот поглед од манастирот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.