Неверојатниот спектакл на вистински мраз, кој за првпат ќе ја трансформира арената „Борис Трајковски“ во вистинско ледено кралство, во рекордно брзо време ја распродаде својата прва претстава! Но, магијата не завршува тука – со огромно задоволство најавуваме втора претстава истиот ден, со почеток од 17 часот!

Како посебен подарок за сите, по завршувањето на претставата, посетителите ќе имаат ексклузивна можност да се дружат со хероите од шоуто, да се сликаат и да го почувствуваат нивниот свет одблиску.

Овој настан, кој веќе предизвика невидена еуфорија, Ви овозможува уште една шанса да ја доживеете магијата на замрзнатиот партер, величествените јунаци и беспрекорните уметнички лизгачки перформанси. Секој миг на овој спектакл е како сцена од бајка – создадена за да ја разбуди фантазијата и да ги обедини сите генерации.

Замислете го целосно замрзнатиот партер, светлата што треперат низ магичната атмосфера и вашите омилени херои кои со стил и грациозни движења лизгаат на мразот. Со вас ќе бидат Петар Пан, Елса, Супермен, Аладин, Том и Џери, Спајдрмен, Мики Маус, како и Круела. А за да биде сè како во бајка, специјален гостин ќе биде никој друг туку Дедо Мраз, подготвен да донесе празнична магија за сите нас.

Не чекајте, бидејќи билетите за втората претстава исто така брзо се продаваат! Доживејте го ова незаборавно искуство, каде што соништата стануваат реалност. 14 декември, 12:00 и 17:00 часот – резервирајте го вашето место во историјата на зимските спектакли!



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.