Чизкејкот од тиква е совршена комбинација на есенски вкусови, кремаста текстура и миризливи зачини, што им носи вистинско задоволство на сите.
Чизкејкот од тиква е совршен есенски десерт – исклучително е мек, сочен и богат со ароми. Комбинацијата од тиква, цимет и кремаста текстура го прави неодолив деликатес кој ќе ги освои сите што ќе го пробаат.

Состојки:

За кората:

90 гр мелени бисквити
56 г путер, стопен
50 гр шеќер
½ лажичка цимет

За полнење:
226 гр крем сирење
150 гр шеќер
110 гр светло-кафеав шеќер
½ лажичка сол
4 големи јајца
244 гр испасирана тиква
120 гр слатка павлака
2 лажички екстракт од ванила
2 лажици универзално брашно
Подготовка:
За чизкејкот загрејте ја рерната на 177 степени. Завиткајте го дното на тавата за торта со два слоја алуминиумска фолија и подигнете ја фолијата на страните на тавата. Мелените бисквити измешајте ги со шеќер и цимет и изблендирајте, па додадете го растопениот путер и повторно измешајте.

Префрлете ја смесата во калапот за торта и притиснете надолу за да формирате рамномерен слој. Печете 10 до 15 минути или додека не помириса и темно златно околу рабовите. Оставете на страна да се излади додека го правите филот. Испечете ја тиквата во рерна, па испасирајте ја.

За филот намалете ја температурата на рерната на 148 степени. Во голема чинија, изматете крем сирење со миксер на средна брзина додека не се изедначи, околу 1 минута. Додадете шеќер и сол и измешајте на медиум додека не стане крем, околу 1 минута. Додадете ги јајцата, едно по едно.

Потоа додадете го пирето од тиква, слатката павлака и екстрактот од ванила. Одозгора посипете брашно. Се меша со миксер на мала брзина. Истурете ја смесата врз печената кора. Ставете го калапот во голема тава и сè ставете во рерна. Внимателно наполнете ја тавата со врела вода колку да покрие околу 2,5 см од калапот.

Печете околу 1 час, а потоа оставете го чизкејкот да се олади преку ноќ или барем 6 часа.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.