Американскиот пејач и актер Арон Картер бил пронајден мртов во својот дом во Ланкастер во Калифорнија. Како што објави сајтот ТМЗ, телото на 34-годишниот Картер било пронајдено во када, откако полицијата добила пријава дека се удавил маж.

Причината за смртта засега не е позната. Официјално од полицијата изјавиле дека немало траги на насилство.

Арон Картер е помлад брат на пејачот на познатиот бенд „Бекстрит бојс“, Ник Картер. Тој се прослави деведесетите години на минатиот век. Објави пет студиски албуми, а првиот беше издаден кога тој имаше само девет години. Неговите први два албума достигнаа милионски тиражи.

Картер беше познат по пороците. Употреба на дроги, јавни семејни караници и ментални проблеми беа дел од неговата биографија. Во септември објави дека доброволно се пријавил на рехабилитација, но пред само неколку дена повторно бил уапсен поради возење во пијана состојба.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.