Познатиот руски циркузант Алексеј Макаренко (42) за малку не бил убиен од лав на сцената кога тој скокнал врз него и му ги ги зарил забите и канџите за време на настап во Сочи.

Непријатната сцена се случила пред деца и публиката се исплашила кога сфатиле дека тоа не е дел од поентата.

Олга Борисова, сопругата на Алексеј, ја спречи трагедијата. Нападот се случил кога два лава почнале да се караат за време на настап.

Макаренко се обидел да ја прекине тепачката, а потоа го нападнал трет лав. Како што можете да видите на видеото, разбеснетиот лав скокнал врз човекот и го соборил на подот.

Неговата сопруга истрчала и го удрила животното со камшик. Работниците веднаш ги исклучиле светлата за публиката да не ја види грозоморната сцена. После тоа биле активирани водени топови и специјални звуци за смирување на ѕверовите. Алексеј станал и се поклонил на публиката со сопругата како ништо да не се случило.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.