Принцот Хари разговарал со својот татко, кралот Чарлс Трети, откако на британскиот монарх му бил дијагностициран рак.

Според Би-Би-Си, Хари, кој живее во САД, во наредните денови ќе отпатува за Велика Британија, каде ќе го посети Чарлс.

Бакингемската палата претходно денеска соопшти дека на Чарлс му бил дијагностициран рак за време на посетата на болницата поради зголемена простата, но не кажа за каков вид на рак се работи.

Се додава дека британскиот крал ќе оди на редовна терапија, поради што планираните јавни настапи ќе ги одложи до дополнително известување.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.