Продолжуваат протестите на активистите за заштита на животната средина, а сега го одбележаа и музејот „Мадам Тисо“ во Лондон, каде „настрада“ восочната фигура на кралот Чарлс.

Два члена на групата купиле влезници за во музејот, влегле во зданието и со чоколадна торта го замачкале лицето на фигурата на британскиот крал, инаку борец за зачувување на животната средина.

Инцидентот се случил во рамки на низата акции од почетокот на месецот во кои се бара запирање на истраувањата на нафта и гас.

Друга група активисти на организацијата „Последната генерација“ во неделата во музеј во Белина го погодија заштитното стакло на местотото каде што е изложена сликата на францускиот уметник Клод Моне со пире од компир во знак на протест против употребата на фосилни горива.

Науката е јасна. Побарувачката е едноставна: само запрете ги нафтата и гасот. Тоа е парче торта“, велат тие.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.