Луѓето низ цела Азија ја прославија Лунарната Нова Година на Змејот со семејството, фестивали и посети на храмовите.

Жителите на Пекинг отидоа во храмови каде што можеа да присуствуваат на традиционални народни претстави и да запалат миризливи свеќи за добро здравје и среќа во наредната година.

Многу жители на Хонг Конг ја дочекаа новата година облечени во црвено, што се смета за среќна боја во кинеската култура. Освен во Кина, лунарната нова година се слави и во Јужна Кореја, Виетнам и во прекуокеанските кинески заедници.

Во Мјанмар и Малезија, верниците ги посетија храмовите за да се молат за среќа и благослов. Во Дарамшала, Индија, прогонетите тибетски монаси, исто така, учествуваа во церемониите за одбележување на нивната нова година. Лунарната Нова Година е најважниот годишен празник во Кина и секоја година го носи името на еден од 12-те знаци на кинескиот зодијак.

Оваа година е година на змејот, кој е популарен меѓу Кинезите по раѓањето деца, бидејќи многу парови се надеваат дека нивните деца ќе поседуваат извонредни квалитети симболизирани со змејови, вклучувајќи сила, моќ и успех.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.