Унгарија е отворена за ревизија на буџетот на Европската унија за да ѝ се помогне на Украина со пакет од 50 милијарди евра, соопшти на Х политичкиот советник на унгарскиот премиер Виктор Орбан.

Орбан беше гласен критичар на поддршката на Унијата за Киев и одржуваше врски со Кремљ откако Русија ја нападна Украина во февруари 2022 година. Тој претходно ја блокираше ревизијата на буџетот на ЕУ што вклучуваше помош за Украина.

„Фајненшл тајмс“ вчера објави дека ЕУ ќе ја саботира економијата на Унгарија доколку Будимпешта ја блокира помошта на самитот оваа недела.

Балаш Орбан, главниот политички советник на унгарскиот премиер, потврди дека Будимпешта во саботата испратила предлог до Брисел со што покажува дека е отворена за користење на буџетот на ЕУ за пакет помош и за издавање заеднички долг на ЕУ за финансирање доколку се додадат „предупредувања“.

„Брисел ја уценува Унгарија како да нема утре и покрај тоа што предложивме компромис“, рече советникот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.