Илјадници Украинци успеаја да избегнат воена регрутација благодарение на широко распространетиот систем на корупција, објави Фајненшл тајмс. Плаќале големи суми пари како мито, до 10.000 долари, за да избегнат да бидат регрутирани и испратени на фронтот во војната против Русија.

Овој извештај беше објавен само неколку дена откако украинскиот претседател Володимир Зеленски ги разреши сите раководители на центрите за регрутирање поради широко распространета корупција.

Веќе во првите денови од руската инвазија, во февруари 2022 година, властите во Киев им забранија на мажите на возраст од 18 до 60 години да ја напуштаат земјата без посебни дозволи. Во земјата беше воведена вонредна состојба, која ја поттикна корупцијата во областа поврзана со регрутирањето.

Една од најпопуларните опции меѓу Украинците кои не сакаа да одат во војна беше да купат медицински документи кои ќе ги изземат од воен рок. Цената на овие документи била околу 6.000 долари, пишува Фајненшл тајмс



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.