Нови временски проблеми зафатија неколку региони во Италија.

Поморскиот сообраќај е во прекин во крајбрежните области и издадени се предупредувања за надојдените води на реката По.

Налетите на ветровите од 143 км/ч се забележани во Лигурија, додека во пристаништето Ливорно во Тоскана сите бродови беа закотвени среде налетот на ветерот кој достигна 50 јазли, а брановите надминаа четири метри во висина.

Во регионот Марке интервенираа 300 пожарникарите поради штети предизвикани од силниот ветер.

Потребни се дополнителни 150 интервенции во областа околу Римини поради паднати дрвја. Снегот ги покри регионите Тирол и Јужен Тирол и достигна 30 сантиметри на превојот Бренер, а на југот од регионот имаше дожд.

Издадено е предупредување за надојдената река По, најголемата река во Италија, каде што регионот Емилија и дел од Ломбардија се особено загрозени.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.