На социјалните мрежи, прво на руски, а потоа и на западни профили, се појавија информации дека руското воено воздухопловство напаѓа цели на територијата на Николаев во јужна Украина со крстаречка ракета Кh-59M „Овод М“ или според класификација на НАТО АС-18 Казу.

Ракетата наводно била употребена на 3 април, а засега не е позната нејзината ефикасност при уништување на целите. Како што може да се види на сликата, најверојатно се работи за принтскрин од снимка на која се гледа ракета во лет.

Засега нема подетални информации за употребата на оваа ракета и какви цели биле погодени со неа.

Крстосувачката ракета Kх-59M е развиена во поранешниот Советски Сојуз, во 1982 година како надградба на моделот на ракетата Kх-59. Една од главните карактеристики на модификацијата на оваа ракета беше инсталирањето на дополнителен турбо мотор со многу мали димензии.

Оваа ракета има вградена врска за примање податоци АПК-9 и системот Овод-М, со чија помош може да ја следи сликата на својата цел, која е однапред ставена во компјутерот пред да биде лансирана ракетата.

Пулсот пти лансирање на ракетата од авионот го вклучува ракетниот мотор и кога Kх-59M се приближува до целта, системот за наведување се активира за следење на целта од системот Овод-М до системот за наведување со ТВ камера. Дострелот на Kх-59M е 115 километри, а брзината е малку под Мах 1. Боевата глава е конвенционална и тежи 380 килограми.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.