Рускиот претседател Владимир Путин потпиша указ за издавање руско државјанство на странците кои потпишале договор за воена служба во вооружените сили на Руската Федерација, се наведува во документот на официјалниот руски портал за правни информации.

Странците кои служат во вооружените сили или воените формации за време на војната во Украина, како и војниците кои во тој период заминуваат во пензија, ќе можат да добијат руски пасош, пренесува РИА Новости.

Сопружниците и децата на странските борци имаат исто право на руско државјанство.

Војниците кои аплицираат за пасош на Руската Федерација мора да достават документи со кои се докажува дека потпишале договор за најмалку една година, како и да ја завршат задолжителната регистрација на отпечатоци од прсти, додека нивните сопружници треба да подлежат на лекарски преглед со потврда со која се потврдува отсуство на психоактивни супстанции или заразни болести.

Откако Русија мобилизираше 300.000 мажи во септември 2022 година, Кремљ ја негираше потребата од дополнителна мобилизација, потег за кој тврди дека е поттик за странските борци да им се придружат на руските сили во Украина, наведе „Ројтерс“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.