Унгарскиот премиер Виктор Орбан денеска изјави дека Унгарија не сака да ја напушти Европската унија бидејќи, како што рече, нејзините основни принципи се добри, но сака „да ја преземе политичката контрола во Брисел и да го ‘окупира’ Брисел“.

Тој за новинската станица ХирТВ изјави дека соработката на европските нации, заедничкиот пазар и меѓусебната тимска работа за зајакнување на добрата идеја се во интерес на Унгарија.

Во исто време, Орбан изјави дека нема потреба да се формира „супердржава“ која своите членови ќе ги третира како провинции, пренесе МТИ.

„Не ни треба таков Брисел, туку Брисел кој поддржува суверенитет и самопочит, кој им дозволува на земјите да одлучуваат како сакаат да живеат, според нивните културни традиции. Ни треба Брисел кој го контролира пазарот, но не кажува на Полјак, на Унгарец, на Португалец како да живее. Треба да победиме на претстојните европски парламентарни избори и потоа да ја преземеме политичката контрола во Брисел“, рече Орбан.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.