Резервниот далновод до нуклеарната централа Запорожје синоќа беше прекинат поради гранатирање, соопшти денеска Меѓународната агенција за атомска енергија (МААЕ).

– Резервниот далновод од 330 kV до нуклеарната централа Запорожје (ЗНПП) во Украина беше исклучен доцна синоќа поради штети предизвикани од гранатирање. Ова денеска го изјави генералниот директор на Меѓународната агенција за атомска енергија (МААЕ), Рафаел Гроси, се вели во објавата на веб-страницата на агенцијата.

Според МААЕ, ЗНПП во моментов продолжува да добива електрична енергија потребна за ладење на реакторот и одржување на други важни функции за нуклеарна безбедност преку надворешен далновод од 750 kV.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.